"मैत्री" असा एक

"मैत्री" असा एक
शब्द- त्यात
कधी प्रेमळ तर कधी
तात्विक विषयावरही
आपलं भांडण होतं
अनावश्यक वादही होतो,
एकमेकांच्या मनाला
साद घालण्यासाठी
थेट काळजापर्यंत भिडणारा
असा नादही होतो...
"मैत्री" असा एक शब्द- त्यात
आई,वडील,भाऊ, बहिण
यांची उणीव तशी
क्वचितच भासते,
असं एक नातं
जे बुडत्याला आधार
अन् मर्त्याला मिळालेले
श्वासाचं दान असते...
"मैत्री" असा एक शब्द- त्यात
अनंत काळाच्या
सोबतीचा संकल्प
दोन्ही बाजूने बिनशर्त
असा सोडायचा असतो,
सोबतीने सुरूवात केलेला
ऐन रंगात आलेला
असा एक खेळ
अर्ध्यावरती मोडायचा नसतो....