तुझ्या मैत्रीवर कितीही लिहीलं

तुझ्या मैत्रीवर कितीही लिहीलं
तरी उनं वाटतं,
सारं आहे माझ्याकडे आज
तरी कुठंतरी काहीतरी सुनं वाटतं...!

तुझ्या मैत्रीचे क्षण
पुन्हा हवेहवेसे वाटु लागतात,
आज मन माझं लख्ख आकाश
त्यात तुझ्या आठवांचे ढग दाटु लागतात...!

तुझ्या मैत्रीची गर्द सावली
अशी आयुष्यावर दाटली होती,
आयुष्यातली उन्हं माझ्या
तुझ्याचमुळे आटली होती...!

तुझ्या मैत्रीच्या आठवणी
मी आजही जपुन ठेवतो
आनंदाचे ते क्षण हरवु नयेत म्हणुन
काळजाच्या तिजोरीत लपुन ठेवतो...!