आई तुझ्या कुशीत

आई तुझ्या कुशीत, पून्हा यावेसे वाटते
निर्दयी या जगापासुन, दुर जावेसे वाटते ॥
 
 कोणी न येथे कुणाचा, सारीच नाती खोटी
 तुझ्याशीच फक्त आता, नाते जपावेसे वाटते ॥
 
 कोळून प्यायलो मी, सुख दुःख सारे
 माते तुझ्या विरहास, न प्यावेसे वाटते ॥
 
 कित्येक रात्री, ऐश्वर्यात लोळलो मी
 अखेरच्या क्षणाला, तुझ्या कुशीत निजावेसे वाटते ॥

 दगडातला तो देवही,आता नवसाविना पावेना
 निस्वार्थ हृदय माऊली, तुलाच पूजावेसे वाटते ॥
 
 असेन जर मजला, मानव जन्म कधी
 आई तुझ्याच पोटी, पून्हा जन्मावेसे वाटते ॥